Jašče adzin znakavy palot Nensi Pełosi, jakoha da jaje nie rabili amierykancy vysokaha ranhu
Śpikier Pałaty pradstaŭnikoŭ ZŠA Nensi Pełosi prylacieła ŭ Armieniju. Da hetaha krainu nie naviedvali amierykanskija čynoŭniki takoha vysokaha ranhu, piša «Mieduza».
17.09.2022 / 19:46
Nensi Pełosi. Fota: AR
17-19 vieraśnia Pełosi sustreniecca z premjer-ministram Armienii Nikołam Pašynianam, śpikieram parłamienta Alenam Simanianam i inšymi čynoŭnikami.
Śpikier Pałaty pradstaŭnikoŭ Kanhresa stała samaj vysokapastaŭlenaj aficyjnaj asobaj ZŠA, jakaja naviedała Armieniju z momantu zdabyćcia krainaj niezaležnaści.
Kartež Pełosi ŭ Jerevanie
«Vizit delehacyi Kanhresa ŭ Armieniju zjaŭlajecca mahutnym simvałam cviordaj prychilnaści ZŠA mirnaj, kvitniejučaj i demakratyčnaj Armienii, a taksama stabilnamu i biaśpiečnamu Kaŭkazu», — zajaviła Pełosi pierad vizitam.
Jana adznačyła, što ŭ 2019 hodzie Kanhres ZŠA, a paźniej i prezident Džo Bajden pryznali hienacyd armian, i dadała: «Maralny abaviazak usich — nikoli nie zabyvać abaviazacielstva, jakoje nabyło asablivuju aktualnaść, pakolki źvierstvy ździajśniajucca pa ŭsim śviecie, u tym liku z boku Rasii suprać Ukrainy».
U pačatku žniŭnia delehacyja Kanhresa ZŠA na čale z Nensi Pełosi naviedała Tajvań. Heta stała pryčynaj dla abvastreńnia adnosin z Kitajem, jaki ličyć de-fakta niezaležny vostraŭ svajoj terytoryjaj. Piekin paličyŭ vizit Pełosi ŭmiašańniem u svaje ŭnutranyja spravy i pačaŭ maštabnyja vučeńni pablizu Tajvania.
Pamiž Armienijaj i Azierbajdžanam u apošni čas abvastrylisia adnosiny. Napiaedadni krainy damovilisia pra spynieńnie ahniu.