U Baranavičach ŭ SIZA źmiaścili biełarusku, jakaja žyvie ŭ Andory i čas ad času pryjazdžała ŭ Biełaruś
Brescki dziaržkanał apublikavaŭ videa z Volhaj Mankievič. 37-hadovuju ŭradženku Baranavičaŭ zatrymali 22 žniŭnia 2022 hoda na vakzale, kali jana ŭ čarhovy raz pryjechała ŭ Biełaruś z Andory, źviarnuła ŭvahu «Viasna. Brest». Joj inkryminujuć abrazu Łukašenki. U Andory ŭ jaje zastalisia muž i syn.
17.09.2022 / 18:22
U videa sama Volha raspaviała, što ŭ žniŭni 2020 hoda paličyła, što vybary byli sfalsifikavanyja. U Instagram padpisałasia na staronku «Nexta», adkul rabiła skrynšoty i vykładvała na svoj staroncy, rabiła kamientary.
Padčas jaje pryjezdu ŭ Biełaruś, jaje zatrymali i źmiaścili ŭ SIZA. U Biełarusi ŭ dziaŭčyny niama blizkich svajakoŭ, jana pryjazdžała naviedać znajomych i mahiłu maci, jakaja pamierła ŭ 2018 hodzie.
U videa jana prosić prabačeńnia ŭ muža, jakoha jana, pavodle jaje farmuloŭki, «kinuła adnych z synam» praz nieabdumannyja dziejańni.
U roliku jana pryznajecca ŭ lubovi da Biełarusi i kaža, što radaja, što ŭ jaje biełaruski pašpart.
Pradstaŭnica prakuratury Ina Danilčyk skazała, što žančynie pradjaŭlenyja abvinavačvańni pa č. 1 art. 368 KK RB (Abraza prezidenta Biełarusi).