У кампаніі з Паўночнай Карэяй і Эрытрэяй. Беларусь у ААН выказалася супраць відэазвароту Зяленскага
Генасамблея ААН прагаласавала за тое, каб зрабіць выключэнне з правілаў і дазволіць прэзідэнту Украіны выступіць на 77-й сесіі не вочна, а з відэазваротам.
17.09.2022 / 16:03
Гэта падтрымалі 101 дэлегацыя. Супраць выступілі 7 краін — Куба, Нікарагуа, Расія, Паўночная Карэя, Сірыя, Эрытрэя і Беларусь. Яшчэ 19 краін устрымаліся.
У рэзалюцыі падкрэсліваецца, што выключэнне робіцца толькі для бягучай сесіі і не павінна стаць прэцэдэнтам.
Зварот Зяленскага запланаваны на другую палову дня ў сераду 21 верасня.
Нагадаем, што ў сесіі Генасамблеі ААН возьме ўдзел і Святлана Ціханоўская.