Mazyrskaha pravaabaroncu Uładzimira Cielapuna, vierahodna, iznoŭ zatrymali
Na siońnia, 16 vieraśnia, a 18-j hadzinie pravaabaroncu vyklikali ŭ miascovy RAUS. Ale dahetul jon tak i nie vyjšaŭ. Viadoma, što pravaabaroncu vyklikali dla «padpisańnia vypraŭlenych administracyjnych pratakołaŭ», piša «Viasna».
16.09.2022 / 22:05
Reč u tym, što nad pravaabaroncam 12 i 13 vieraśnia prachodziŭ sud, padčas jakoha vyśvietlilisia niestykoŭki ŭ pratakołach: da prykładu, pratakoł apytańnia byŭ datavany raniejšym dniom, čym pratakoł ab samim administracyjnym pravaparušeńni. Tamu suddzia nakiravaŭ administracyjnuju spravu ŭ dačynieńni da Cielepuna na dapracoŭku, a paśla rašeńnia suda pravaabaroncu vypuścili. Na tym pasiadžeńni pravaabaroncu stała drenna — i jamu vyklikali chutkuju dapamohu.
Ahułam suprać Uładzimira raniej skłali try pratakoły pa č. 2 art. 19.11 KaAP (raspaŭsiud ekstremisckich materyjałaŭ). Heta zrabili za reposty ŭ sacsietkach z rehijanalnaha pravaabarončaha sajta «Paleskaja viasna».
Cielepuna zatrymali 3 vieraśnia i zatym asudzili na 10 sutak aryštu.