Futbolnaja zbornaja Biełarusi prezientavała novuju formu
Biełaruskaja fiederacyja futboła paviedamiła, što čarhovyja matčy suprać Kazachstana i Słavakii zbornaja Biełarusi praviadzie ŭ novaj formie. Hetyja sustrečy projduć 22 i 25 vieraśnia adpaviedna.
16.09.2022 / 20:14
Jak paviedamlałasia, forma, vypuščanaja kampanijaj Errea Sport, tradycyjna składajecca z dvuch kamplektaŭ: chatniaha i haściavoha. Koleravaja palitra vyrašanaja davoli niezvyčajna: chatnija futbołki — u hranatavym kolery, a haściavyja — u miatnym. Na abodvuch varyjantach naniesieny viertykalny arnamient.
Akramia novaj formy biełaruskaj zbornaj, praŭda, chvalicca niama čym. Za čatyry letnija matčy kamanda Hieorhija Kandraćieva ni razu nie pieramahła i adznačyłasia tolki adnym hołam. Ciapier jana cviorda zajmaje ŭ svajoj hrupie, u jakoj hulajuć jašče Kazachstan, Słavakija i Azierbajdžan, cviordaje apošniaje miesca. I kali apošnija matčy buduć praviedzienyja hetak ža biazzuba, biełarusy ryzykujuć skacicca na samaje dno jeŭrapiejskaha futbołu.