Cichanoŭskaja voźmie ŭdzieł ŭ Hienasamblei AAN
Śviatłana Cichanoŭskaja jedzie ŭ Ńju-Jork, dzie z 18 pa 22 vieraśnia voźmie ŭdzieł u mierapryjemstvach z nahody 77-j siesii Hienasamblei AAN
16.09.2022 / 15:16
Śviatłana Cichanoŭskaja naviedaje štab-kvateru AAN, dzie płanuje pravieści šerah dvuchbakovych sustreč, sustreniecca z pradstaŭnikami Dziarždepartamienta ZŠA, śpiecpradstaŭnikom JeS pa pravach čałavieka i inšymi palitykami, paviedamlaje jaje pres-słužba.
19 vieraśnia estonski bok i Śviatłana Cichanoŭskaja arhanizoŭvajuć dyskusiju vysokaha ŭzroŭniu, pryśviečanuju palityčnamu kryzisu ŭ Biełarusi, a taksama roli režymu ŭ vajnie suprać Ukrainy.
U toj ža dzień Śviatłana Cichanoŭskaja sustreniecca z prezidentkaj Jeŭrakamisii Ursułaj fon der Lajen. Jany abmiarkujuć spraščeńnie vizavych umovaŭ dla biełarusaŭ i harantyi niezaležnaści Biełarusi na fonie sprob Rasii ŭstalavać kantrol nad krainaj.
Taksama padčas vizitu zapłanavanaja dvuchbakovaja sustreča z hienieralnym sakratarom Rady Jeŭropy. Płanujecca abmierkavać kroki pa stvareńni kantaktnaj hrupy pa suviaziach ź Biełarussiu.