U MZS Čechii vyjavili rasijskaha špijona
Vysokapastaŭleny supracoŭnik ministerstva zamiežnych spravaŭ Čechii niekalki hadoŭ supracoŭničaŭ z rasijskaj Słužbaj zamiežnaj vyviedki i pieradavaŭ joj sakretnuju infarmacyju.
16.09.2022 / 10:46
Pra heta ŭ čacvier paviedamiła češskaje miedyja Deník N. Infarmacyju ab vykryćci supracoŭnika MZS vydańniu pacvierdzili premjer Čechii Piotr Fiała i ministr zamiežnych spraŭ Jan Lipaŭski. Ministr zajaviŭ, što supracoŭnik byŭ zvolnieny, inšych padrabiaznaściaŭ jon nie pryvioŭ.
U češskaj kontrraźviedcy — Słužbie infarmacyi i biaśpieki (BIS) pacvierdzili, što ŭžo niekalki hadoŭ tamu vyśvietlili, što ŭ MZS krainy jość krynica infarmacyi dla rasijskich śpiecsłužbaŭ. Paśla supracoŭnik, jaki pieradavaŭ sakrety, byŭ vyjaŭleny, za im ustalavali sačeńnie.
U pieršaj pałovie hetaha hoda pra jaho paviedamili kiraŭnictvu krainy. Jak skazała adna z krynic, rasijskija śpiecsłužby, pryciahvajučy čynoŭnika, «vykarystoŭvali jaho prahu da žančyn i hrošaj».
Pa danych krynic Deník N, supracoŭnik mieŭ dostup da dakumientaŭ pad hryfam «całkam sakretna». Jon pracavaŭ u Ministerstvie bolš za 20 hadoŭ, jak u centralnym aparacie, tak i za miažoj. Jaho imia i pasada nie nazyvajucca. Taksama niezrazumieła, ci moža jon być pryciahnuty da kryminalnaj adkaznaści, pakolki pa češskim zakanadaŭstvie, kali sačeńnie viaduć tolki śpiecsłužby biez udziełu palicyi, sabranyja imi dokazy nielha vykarystoŭvać u sudzie.
Rasijskaje MZS pakul paviedamleńnie nie kamientavała.