Ściapana Łatypava na dva hady pieravodziać na turemny režym
U sudzie Ivacevickaha rajona 15 vieraśnia adbyŭsia sud pa zamienie palitviaźniu Ściapanu Łatypavu pakarańnia na bolš žorstkaje. Viadoma, što administracyja kałonii patrabavała, kab Ściapana pieraviali ŭ turmu na try hady, ale suddzia Alaksandr Kiryłovič pastanaviŭ pieravieści jaho na turemny režym terminam na dva hady. Chutka palitviaźnia etapujuć u turmu, piša «Viasna».
15.09.2022 / 20:26
Na pasiadžeńni, akramia suddzi, prakurorki i supracoŭnika papraŭčaj kałonii, prysutničaŭ i pradstaŭnik Ivacevickaha rajvykankama ŭ jakaści naziralnika. Pry hetym sud zasłuchoŭvaŭ jahonaje mierkavańnie pa kožnym pytańni. Ściapan adrazu chadajničaŭ, kab na pracesie ŭ jakaści śviedak vystupili načalnik pramysłovaj zony i namieśnik načalnika kałonii Śviryd, ale sud admoviŭ.
Niadaŭna stała viadoma, što Łatypaŭ u lipieni na znak pratestu suprać dziejańniaŭ administracyi papraŭčaj kałonii № 22 hłytaŭ lazo i rezaŭ vienu na ruce. Za heta jon atrymaŭ 17 sutak u štrafnym izalatary.
Ściapan Łatypaŭ asudžany łukašenkaŭskim sudom da 8,5 hadoŭ źniavoleńnia.