Kadyraŭ zaklikaŭ pačać mabilizacyju ŭ rehijonach, nie čakajučy zahadu z Kramla
Kiraŭnik Čačni Ramzan Kadyraŭ zaklikaŭ rasijskija rehijony pačać «samamabilizacyju» i vystavić pa tysiačy dobraachvotnikaŭ dla vajny va Ukrainie. Hetaha, na jaho dumku, budzie dastatkova dla vykanańnia met «śpiecapieracyi». Pra heta jon napisaŭ u svaim telehram-kanale.
15.09.2022 / 14:23
Kadyraŭ zajaviŭ, što Rasija — fiederatyŭnaja dziaržava, a značyć, hubiernatary majuć prava samastojna pravieści «samamabilizacyju» i dapamahčy dziaržavie «kankretnymi dziejańniami».
«Kožny kiraŭnik rehijona całkam u stanie padrychtavać, navučyć i ŭkamplektavać choć by adnu tysiaču dobraachvotnikaŭ. U maštabach dziaržavy heta vialiki vajenny kantynhient u 85 tysiač čałaviek — amal armija!» — napisaŭ Kadyraŭ.