ZŠA nie pavialičać pastaŭki słancavaha hazu ŭ JeS
U ZŠA vytvorcy słancavych nafty i hazu papiaredzili, što nie zmohuć pavialičyć zdabyču, kab dapamahčy Jeŭropie spravicca z enierhietyčnym kryzisam hetaj zimoj. Pra heta paviedamlaje hazieta The Financial Times.
15.09.2022 / 12:40
«ZŠA nie zmohuć rezka pavialičyć zdabyču. Abjom vytvorčaści, jaki jość na siońnia — heta ŭsio, što jość», — kaža kiraŭnik fondu inviestycyj Quantum Energy Partners (inviestar u słancavy siektar) Uił Vanło.
Nahadajem, na fonie rasijska-ŭkrainskaj vajny Rasija vykarystała svaje pastaŭki hazu jak hieapalityčnuju zbroju dla raspalvańnia enierhietyčnaha kryzisu nastupnaj zimoj, a taksama dla taho, kab asłabić ekanomiku zachodnich krain i palityčna raskałoć Jeŭrapiejski sajuz, kab jon admoviŭsia ad padtrymki Ukrainy. Rasija spyniła pastaŭki svajho hazu praz «Paŭnočny patok — 1». Jeŭrapiejskija krainy, u tym liku tyja, jakija mocna zaležali ad rasijskaha hazu, zajavili, što Rasija pierastała być nadziejnym pastaŭščykom enierhanośbitaŭ i ad rasijskich pastavak buduć pastupova admaŭlacca.