Žycharka Homiela padmanuła słužbu taksi na 5 tysiač dalaraŭ
U Homieli zatrymali 31-hadovuju žančynu, jakuju padazrajuć u kradziažy 300 tysiač rasijskich rubloŭ (kala 5 tysiač dalaraŭ), paviedamlaje MUS.
15.09.2022 / 09:50
U milicyju z zajavaj źviarnuŭsia pradstaŭnik Maskoŭskaj transpartnaj kampanii. Jon raspavioŭ, što 31-hadovaja mieniedžarka słužby padtrymki kiroŭcaŭ źviała z rachunku arhanizacyi amal 300 tysiač rasijskich rubloŭ.
Vyśvietliłasia, što žančyna sa śniežnia minułaha hoda, vykarystoŭvajučy virtualny telefonny numar, atrymała dostup da pracoŭnych akaŭntaŭ šafioraŭ i da zaroblenych imi hrošaj, jakija zachoŭvalisia na ahulnym rachunku firmy. Kab nie vyklikać padazreńniaŭ, žančyna pieravodziła na svaju kartu nievialikija sumy ź niekalkich sotniaŭ ulikovych zapisaŭ.
Śledčym raspačataja kryminalnaja sprava za kradziež šlacham madyfikacyi kampjutarnaj infarmacyi ŭ bujnym pamiery.