Jeŭrasajuz abiacaje biełaruskamu režymu ciažkija nastupstvy za zatrymańnie Evieliny Šulc
Zatrymańnie časovaj pavieranaj u spravach JeZ u Biełarusi Evieliny Šulc budzie mieć vielmi ciažkija nastupstvy, zajaviŭ aficyjny pradstaŭnik JeZ u zamiežnapalityčnych pytańniach Pieter Stana ŭ intervju Deutsche Welle.
14.09.2022 / 17:49
Pieter Stana
Pavodle słoŭ Stana, incydent demanstruje sutnaść biełaruskaha režymu, jaki z adnaho boku zajaŭlaje ab amnistyi, a z druhoha za začynienymi dźviaryma pravodzić palityčnyja pracesy. «A zatym jany aśmielvajucca na niedapuščalny i vielmi niebiaśpiečny krok pa zatrymańni dypłamata», — zajaviŭ pradstaŭnik JeS.
«My prymiem miery, kab pakazać, što absalutna nie zhodnyja mirycca z padobnymi rečami.
Toje, što adbyłosia, budzie mieć vielmi ciažkija nastupstvy. Znoŭ ža, na dypłamatyčnym uzroŭni, ale my vyrazna dali zrazumieć, što takoje nieprymalna i bolš nie pavinna paŭtaracca», — zajaviŭ jeŭračynoŭnik, adznačyŭšy, što heta ŭžo druhi vypadak zatrymańnia jeŭrapiejskaha dypłamata.
Evielinu Šulc zatrymali 6 vieraśnia paśla abviaščeńnia prysudu pa spravie «Revalucyjnaha dziejańnia». Dypłamatku ŭtrymlivali ŭ addziele milicyi na praciahu dźviuch hadzin.