Стала вядома, які квартал з'явіцца недалёка ад станцыі метро «Інстытут культуры»
У Мінску каля метро «Інстытут культуры» пабудуюць ЖК пад назвай «Дубравінскі». Квартал будзе складацца з 21-павярховых высотак. Старт продажаў назначаны 15 верасня.
14.09.2022 / 11:42
Забудоўшчык — кампанія «Айран».
Першапачаткова пачнуць прадаваць кватэры ў двух дамах на скрыжаванні Мініна і Чыгуначнай. Кошт квадратнага метра ў ЖК «Дубравінскі» — ад 1080 да 1200 даляраў. Згодна з планамі забудоўшчыка, першыя дамы мусяць быць зданы у 4 квартале 2023 года.
Найменшая з кватэр будзе мець плошчу 38 м². За такую аднапакаёўку давядзецца выкласці 45 600 даляраў.
4-пакаёўкі плошчай 71-72 «квадраты» каштуюць каля 78 000 даляраў.
Агулам у «Дубравінскім» будзе чатыры дамы і два паркінгі.