ŚMI: Kałabarant, jaki ŭznačalvaŭ akupavanuju Chiersonskuju vobłaść, nie byŭ atručany. U jaho inšyja prablemy
Uładzimir Salda, jakoha rasijanie pryznačyli kiraŭnikom Chiersonskaj vobłaści, nie byŭ atručany, heta była apieracyja prykryćcia. Pra heta piša kanał «Možiem ob'iasnit» sa spasyłkaj na krynicu ŭ rasijskaj uładzie. Ale da kiravańnia Chiersonskaj vobłaściu Salda nie vierniecca.
13.09.2022 / 12:28
«Salda nie byŭ u komie, heta prykryćcio. Jon prakraŭsia, paśla čaho byŭ faktyčna adchileny ad pasady kiraŭnika administracyi Chiersonskaj vobłaści», — śćviardžaje surazmoŭca žurnalistaŭ.
Pavodle jaho, aficyjna abvinavačvańnie kiraŭniku akupavanaha rehijona pradjavić nie mohuć, bo hrošy tudy pastupajuć z Maskvy najaŭnymi.
Jak pierajemnica Salda razhladajecca jaho namieśnica ŭ akupacyjnaj administracyi Kaciaryna Hubarava, paviedamiła krynica.
U žniŭni ŚMI raspaŭsiudzili źviestki pra atručvańnie i navat śmierć Salda.
Paźniej jon sam apublikavaŭ videa, u jakim zajaviŭ, što na praciahu niekatoraha času «byŭ pad apiekaj vielmi surjoznych lekaraŭ, kab papravić svajo zdaroŭje».