Літоўцы зрабілі чатырохмоўны сайт пра беларусаў, вымушаных з'ехаць з радзімы
Інтэрактыўны сайт пра беларусаў, вымушаных з'ехаць з радзімы, зрабіла Літоўскае нацыянальнае радыё і тэлебачанне (LRT). Чытаць сайт можна на чатырох мовах: беларускай, літоўскай, англійскай і рускай. І не толькі чытаць, але і пачуць голас тых, хто расказвае свае гісторыі.
12.09.2022 / 22:36
Стваральнікі сайта — літоўскія журналісты Ева Балсюнайце і Бенас Герджунас.
«Рэлаканты: Перажыць/Мінск» — гэта гісторыя, якая расказвае пра тое, што значыць жыць з адчуваннем віны ўцалелага і што значыць жыць з усё яшчэ жывым жаданнем змагацца, а таксама расказвае пра тое, як хуткія ўцёкі ператвараюцца ў пастаянны непазбежны стан», — пішуць яны.