Jak ciapier vyhladaje biasstrašnaja Ksienija Łuckina
Žurnalistka Ksienija Łuckina za kratami z 22 śniežnia 2020 hoda. Ciapier nad joj idzie sud, na jakim možna prysutničać, ale nielha rabić zdymki. Usim, aprača dziaržaŭnych prapahandystaŭ. Praź ich fota my i daviedvajemsia, jak vyhladaje ciapier hetaja mužnaja žančyna, što chutka dva hady za kratami ź ciažkoj chvarobaj, ale nie idzie ni na jakija kampramisy.
12.09.2022 / 21:53
Ksieniju zatrymali 22 śniežnia 2020 hoda ŭ Minsku, kali adbylisia zatrymańni supracoŭnikaŭ «Pres-kłuba». Z taho času jana ŭtrymlivajecca ŭ SIZA-1. Žančynie vystavili abvinavačvańnie pavodle č. 1 art. 357 KK RB (zmova ci inšyja dziejańni, učynienyja z metaj zachopu dziaržaŭnaj ułady). Joj pahražaje pazbaŭleńnie voli na termin ad 8 da 12 hadoŭ.
Viadoma, što za čas znachodžańnia za kratami ŭ Łuckinoj mocna pahoršyłasia zdaroŭje: abvastryłasia branchijalnaja astma, pavialičvajecca puchlina ŭ mozhu — u 2014 hodzie Ksienii ŭžo zrabili apieracyju i vydalili dźvie puchliny.
Padtrymajcie Ksieniju: SIZA-1. 220030, h. Minsk, vuł. Vaładarskaha, 2. Ksienii Alehaŭnie Łuckinoj.