BiełAZy buduć źbirać u Iranie
Iranskija i biełaruskija vytvorcy hornazdabyvajučaj techniki rychtujuć da padpisańnia kantrakt na sumiesnuju vytvorčaść vialikahruznych samazvałaŭ na terytoryi Irana. Pra heta zajaviŭ kiraŭnik Nacyjanalnaj iranskaj kampanii pa vytvorčaści miedzi (NICICO) Ali Rastami, paviedamlaje iranski telekanał PressTV.
12.09.2022 / 16:18
Fota ilustracyjnaje
Prajekt byŭ uzhodnieny padčas vizitu ministra pramysłovaści Irana Rezy Fatemi Amina ŭ Minsk u kancy lipienia. Pavodle raźlikaŭ, na praciahu nastupnych troch hadoŭ u ramkach sumiesnaha prajekta ź biełaruskimi kampanijami ŭ Iranie budzie vyrablena 500 vialikahruznych samazvałaŭ.
Kiraŭnik NICICO skazaŭ, što iranski vytvorca hornazdabyvajučaj techniki HEPCO budzie klučavoj častkaj sumiesnaha prajekta, dadaŭšy, što kampanija ŭpieršyniu voźmie ŭdzieł u vytvorčaści karjernych samazvałaŭ hruzapadymalnaściu 136 i 240 ton.
Ciapier Iran vymušany impartavać padobnuju techniku, a miascovaja vytvorčaść ciažkich samazvałaŭ nibyta dazvolić pavialičyć hadavuju vytvorčaść na iranskich šachtach jak minimum na 40%.