U Klimavickim rajonie narodnym apałčencam razdali aŭtamaty

U Łobžanskim sielskim kłubie 11 vieraśnia načalnik upraŭleńnia terytaryjalnaj abarony — namieśnik načalnika Hienštaba US Biełarusi Andrej Macijevič sustreŭsia z pradstaŭnikami terytaryjalnaj abarony Klimavickaha rajona i narodnymi apałčencami Łobžanskaha sielskaha Savieta deputataŭ. U pieršym łobžanskim atradzie apałčencaŭ ciapier 22 čałavieki, paviedamlaje rajonka «Rodnaja niva».

12.09.2022 / 13:22

Usie fota: rodniva.by

Jak piša vydańnie, apałčencam rastłumačyli ich pravy i abaviazki, nahadali pra ŭstrojstva aŭtamata, pakazali, jak im karystacca.

Siarod asnoŭnych zadač, jakija staviać pierad narodnym apałčeńniem, — abarona svaich damoŭ, nasielenych punktaŭ ad maradzioraŭ, ciesnaje ŭzajemadziejańnie z farmavańniami ŭzbrojenych sił, milicyjaj, udzieł u achovie hramadskaha paradku i h.d., — raspaviadaje rajonka.

Zapisacca ŭ łobžanski atrad narodnych apałčencaŭ vyrašyli muž i žonka Natalla Jermakovič i Dźmitryj Małachaŭ. «Jany žyvuć u Rudni, trymajuć vialikuju haspadarku. Na padvorku ŭ ruplivych haspadaroŭ aviečki, kozy, śvińni, ptuška. Chto, jak nie sami žychary pavinny ŭ pieršuju čarhu pakłapacicca ab svajoj biaśpiecy, paličyli Źmicier i Natalla. Tamu i pryjechali na sustreču», — pišuć žurnalisty.

U pieršym atradzie narodnych apałčencaŭ 22 čałavieki.

Pavodle zadumy ŭładaŭ, u krainie, akramia terytaryjalnaj abarony, buduć stvoranyja atrady narodnaha apałčeńnia. Heta pavinny być hrupy prykładna z 50 čałaviek pry kožnym sielsaviecie. Zakanadaŭčaj bazy nakont narodnaha apałčeńnia pakul niama, ułady pracujuć nad hetym.

Nashaniva.com