Затрымалі дызайнера Анатоля Лазара
Пра затрыманне дызайнера Анатоля Лазара паведаміла Беларуская Рада культуры.
11.09.2022 / 22:20
Паведамляецца, што сілавікі зладзілі ў яго кватэры ператрус, забралі камп'ютар і тэлефон. Цяпер Анатоль знаходзіцца ў ЦІП.
Анатоль Лазар, вядомы пад творчым псеўданімам Wiecier Mechaniczny, — сузаснавальнік і выдавец музычнага інтэрнэт-партала «Тузін Гітоў», быў партнёрам і кіраўніком мінскай студыі рэкламы і дызайну «Адліга».
У панядзелак над ім, магчыма, адбудзецца суд.
Раней Анатоля ўжо затрымлівалі — у студзені 2021 года яго забіралі ў ДФР, нібыта каб праверыць, ці заплаціў ён падаткі.