Rasijskija ŭłady pryznali, što amal całkam syšli z Charkaŭščyny
Ministerstva abarony Rasii ŭ štodzionnaj zvodcy pryznała svajo adstupleńnie z Charkaŭskaj vobłaści. U paŭnočnaj častcy rehijona akupantaŭ ciapier uvohule nie zastałosia.
11.09.2022 / 16:32
Na bryfinhu pradstaŭnik Minabarony RF Ihar Kanašenkaŭ pakazaŭ kartu Charkaŭskaj vobłaści. Na joj bačna, što Rasija kantraluje tolki nievialikuju častku vobłaści za rakoj Askoł. Akupavanyja terytoryi, jakija da hetaha času kantraluje Rasija, paznačanyja aranžavym koleram.
Jašče ŭčora, 10 vieraśnia, na rasijskaj karcie byli vielizarnyja terytoryi, zaniatyja akupacyjnymi vojskami — ciapier jany kantralujucca Ukrainaj, što pryznaje sama Rasijskaja Fiederacyja. Miarkujučy pa karcie, Rasija syšła, u pryvatnaści, z Vaŭčanska.