Расіяне пачалі эвакуацыю з горада Ваўчанск. Ëсць інфармацыя, што ўкраінцы ўступілі ў Лісічанск
Ваўчанск — гэта самы ўсходні райцэнтр Харкаўскай вобласці. Ëн размешчаны за 5 км ад расійскай мяжы.
10.09.2022 / 16:41
Раней расійскія блогеры паведамілі пра высадку ўкраінскага дэсанту каля Хатомлі на ўсходнім беразе Печанежскага вадасховішча.
А кіраўнік Луганскай абласной адміністрацыі намякнуў на тое, што ўкраінскія войскі блізкія да вызвалення Лісічанска — значнага прамысловага цэнтра на рацэ Северскі Данец, месца размяшчэння нафтаперапрацоўчага завода.
Гэта азначае, што расійскі фронт рассыпаўся як даміно пасля прарыву ўкраінскай арміі на поўнач ад Балаклеі.