Ukraina zapatrabuje ad Rasii reparacyj na 300 miljardaŭ dalaraŭ
Ukraina zapatrabuje ad RF u jakaści reparacyj nie mienš za 300 młrd dalaraŭ, zajaviŭ ministr justycyi Dzianis Maluska ŭ intervju vydańniam miedyjahrupy Funke.
09.09.2022 / 15:28
Na Hienasamblei AAN Kijeŭ źbirajecca damahčysia pryniaćcia rezalucyi, na jakoj u dalejšym pavinna hruntavacca stvareńnie mižnarodnaha miechanizmu kampiensacyi škody.
Pry hetym, pavodle jaho słoŭ, suma škody, paniesienaja krainaj ad poŭnamaštabnaha rasijskaha ŭvarvańnia, aceńvajecca značna vyšej, a zhadanaja suma adpaviadaje aktyvam Banka Rasii ŭ krainach G7, zamarožanym u ramkach sankcyj, piša ahienctva dpa.
Maluśka zapatrabavaŭ dostupu da hetych srodkaŭ, a taksama da zamiežnych aktyvaŭ rasijskich dziaržpradpryjemstvaŭ i kanfiskavanaj ułasnaści rasijskich aliharchaŭ.
Niamieččyna taksama pavinna dać infarmacyju pra toje, kolki rasijskich aktyvaŭ raźmieščana ŭ krainie, dadaŭ jon.