U Čornym mory padarvaŭsia na minie rumynski karabiel
Jak paviedamlaje ahienctva Reuters, incydent adbyŭsia 8 vieraśnia za 25 marskich milach na paŭnočny ŭschod ad porta Kanstanca.
09.09.2022 / 11:35
Ekipaž sudna byŭ zahadzia papiaredžany pra minu, adnak z-za mocnaha vietru i chvalaŭ abiasškodzić jaje nie zdoleŭ.
Na borcie karabla ŭ momant vybuchu znachodzilisia 75 vajskoŭcaŭ, adnak nichto ź ich u vyniku zdareńnia nie paciarpieŭ.
«Płavučaść karabla nie parušanaja, a na borcie niama surjoznych paškodžańniaŭ», — zajavili ŭ Ministerstvie abarony Rumynii.
Padobnyja incydenty ŭ hetym rehijonie stali śledstvam rasijskaj vajennaj ahresii suprać Ukrainy. Z pačatku poŭnamaštabnaha ŭvarvańnia RF u zachodnich vodach Čornaha mora roznymi krainami było abiasškodžana ŭžo 28 drejfujučych min.