Зяленскі: З 1 верасня Украіна вызваліла больш за 1000 квадратных кіламетраў сваёй тэрыторыі
Узброеныя сілы Украіны, якія вядуць маштабнае контрнаступленне на поўдні і ўсходзе краіны, з пачатку восені вызвалілі дзясяткі населеных пунктаў на тэрыторыі больш за тысячу квадратных кіламетраў.
09.09.2022 / 09:01
Пра гэта ў звароце да нацыі па выніках 197-га дня вайны ў Украіне заявіў прэзідэнт краіны Уладзімір Зяленскі.
«У рамках абаронных аперацый нашы героі вызвалілі ўжо дзясяткі населеных пунктаў. І сёння гэты рух працягнуўся, ёсць новыя вынікі. Усяго з 1 верасня вызвалена больш за тысячу квадратных кіламетраў нашай тэрыторыі. Дзякуй усім, хто гэта забяспечыў!» — сказаў ён.
Раней Генштаб УСУ даў справаздачу аб тым, што ўкраінскія вайскоўцы ўзялі пад кантроль горад Балаклея ў Харкаўскай вобласці.