Hurt «Tiń Soncia» zapisaŭ pieśniu pa-biełarusku dla Pałka Kalinoŭskaha
Ukrainski hurt «Tiń Soncia» admysłova dla biełaruskaha Pałka Kastusia Kalinoŭskaha zapisaŭ pa-biełarusku pieśniu «Pieramohi ściah».
08.09.2022 / 18:41
«U dzień pieramohi ŭ Aršanskaj bitvie, kali 8 vieraśnia 1514 hoda vojska Vialikaha Kniastva Litoŭskaha ŭščent razhramiła pad Oršaj vojska Maskoŭskaha kniastva, my prezientujem vam klip na hetuju pieśniu. U hałoŭnaj roli vajar-kalinoviec z pazyŭnym «Bułak», jaki z samaha pačatku poŭnamaštabnaj vajny staŭ u šerahi abaroncaŭ Ukrainy i byŭ siarod hierojaŭ, jakija adstajali Kijeŭ», — pišuć kalinoŭcy ŭ svaim jutub-kanale.