Palitviazień Iłla Tananka, jaki byŭ asudžany za abrazu Bałaby, vyjšaŭ na volu
21-hadovy Iłla Tananka — student MDŁU, jon byŭ asudžany na paŭtara hoda «chimii» za abrazu pałkoŭnika milicyi, načalnika AMAP Minska Dźmitryja Bałaby (art. 369).
08.09.2022 / 15:18
Chłopca abvinavacili ŭ tym, što jon napisaŭ na ścianie doma, dzie žyvie Bałaba, što toj zabojca, čym publična abraziŭ pradstaŭnika ŭłady ŭ suviazi z vykanańniem im słužbovych abaviazkaŭ. Sam Iłla na sudzie adznačaŭ, što pakinuŭ nadpisy na abjavach, raźmieščanych na infarmacyjnych stendach kala padjezdaŭ: jon razumieŭ, što heta abraza, ale chacieŭ vykazać svajo mierkavańnie.
Z 13 sakavika 2021 hoda Iłla adbyvaŭ termin u papraŭčaj ustanovie adkrytaha typu №9 u Viciebsku. Siońnia palitviazień vyjšaŭ na volu.