Выйшла на волю палітзняволеная Сафія Малашэвіч
Сёння дзяўчына была вызваленая з ПК-4 у Гомелі пасля сканчэння тэрміну, паведамляе «Вясна».
06.09.2022 / 17:40
Сафію затрымалі 6 верасня 2020 года на акцыі пратэсту «Марш адзінства», падчас якой яна балончыкам з фарбай размалёўвала шчыты спецыяльных сродкаў загароджвання.
Ёй прад’явілі абвінавачванне адразу па трох артыкулах Крымінальнага кодэкса: ч. 1 арт. 368, ч. 1 арт. 342, ч. 1 арт. 339.
Суд пакараў яе 2 гадамі калоніі.
На той акцыі Сафія была разам са сваім хлопцам Ціханам Клюкачом. Ён таксама быў затрыманы і асуджаны на 1,5 года калоніі, вызваліўся некалькі месяцаў таму.