Čulcova: Ja nie dumała, što kali-niebudź u žyćci ŭ mianie budzie takaja padtrymka
Žurnalistka Darja Čulcova prakamientavała ŭ instahramie svajo vyzvaleńnie z homielskaj kałonii. Žurnalistka prabyła za kratami z 15 listapada 2020 hoda, całkam adbyŭšy pakarańnie.
05.09.2022 / 14:09
«Treci dzień ja ŭžo doma i chaču skazać usim vialiki dziakuj, što pisali mnie, što nie zabyvalisia. Dziakuj usim, chto piša ciapier — prabačcie, kali kamuści nie mahu adkazać. Heta praŭda vielmi ciažka. Prosta chaču skazać usim dziakuj.
Ja da hetaha času nie mahu pavieryć u toje, što adbyvajecca, i ŭ toje, što adbyvajecca z Kaciaj. Ja spadziavajusia, što ŭsio ž chutka skončycca.
Vy — nievierahodnyja ludzi. Prosta stolki padtrymki — ja nie dumała, što kali-niebudź u žyćci ŭ mianie budzie takaja padtrymka. Dziakuj usim vialiki!»
Čulcovu zatrymali 15 listapada 2020 hoda za strym z «Płoščy pieramien». Jana całkam adbyła pakarańnie i ŭ subotu vyjšła na volu. Kaciarynu Andrejevu padčas znachodžańnia ŭ kałonii asudzili dadatkova na vosiem hadoŭ za «zdradu radzimie».