Aŭstralijskamu mastaku pryjšłosia zafarbavać fresku z ukrainskim i rasijskim sałdatam
Aŭstralijskamu mastaku Piteru Sitanu, jaki namalavaŭ na ścianie doma ŭ Mielburnie ŭkrainskaha i rasijskaha sałdataŭ, što abdymajucca, pryjšłosia zafarbavać fresku paśla niehatyŭnaj reakcyi publiki.
05.09.2022 / 10:02
Fota: STO Art
Pa słovach mastaka, jaho praca simvalizavała zaklik da mirnaha ŭrehulavańnia adnosin pamiž dźviuma krainami, i jon nie chacieŭ nikomu pryčynić bol, paviedamlaje «Bi-bi-si».
Ale niekatoryja paraŭnali fresku z rasijskaj prapahandaj.
Sitan, viadomy ŭ art-śviecie pad nikam CTO, paprasiŭ prabačeńnia za svaju pracu, zajaviŭšy, što jana była «niazhrabnaj», i dadaŭšy, što jon nie dumaŭ, «što jana budzie tak drenna ŭspryniataja».
Krytyki kazali, što jaho praca demanstruje iłžyvuju maralnuju roŭnaść dvuch bakoŭ.
«Što b ludzi padumali, kali b na frescy byli namalavanyja pary hvałtaŭnik i achviara?» — aburyŭsia sustaršynia aŭstralijskaj Fiederacyi ŭkrainskich arhanizacyj Stefan Ramaniŭ.
Pasoł Ukrainy ŭ Aŭstralii Vasil Mirašničenka nazvaŭ tvor Sitana «vielmi abraźlivym dla ŭsich ukraincaŭ».
Sitan skazaŭ, što nie spaŭ da 03:00 pa miascovym časie ŭ paniadziełak, zafarboŭvajučy fresku.