Razumny hadzińnik vyratavaŭ žyćcio brytancu
54-hadovamu brytancu Devidu Łastu na dzień naradžeńnia žonka padaravała Apple Watch.
05.09.2022 / 09:26
Paśla pieršaha ž vykarystańnia mužčyna zaŭvažyŭ, što hadžet pakazvaje častatu jaho sercabićcia ŭ stanie spakoju nižej za 30 udaraŭ za chvilinu, u toj čas jak dla darosłaha mužčyny hety pakazčyk pavinien być ad 60 da 100 udaraŭ, piša TJ.
Łast vykazaŭ zdahadku, što Apple Watch niaspraŭnyja, adnak žonka ŭsio ž prymusiła mužčynu źviarnucca da doktara.
Paśla sieryi abśledavańniaŭ kardyjołahi skazali Łastu, što jaho serca spyniałasia 138 razoŭ za 48 hadzin. Heta adbyvałasia z 10-siekundnymi intervałami padčas snu. Sam mužčyna moh hetaha nie zaŭvažać, bo ŭ hety momant aktyvavałasia inšaja častka serca, jakaja i zapuskała kryvaciok.
U vyniku mužčyna pieranios apieracyju pa ŭstanoŭcy kardyjostymulatara. Łast ličyć, što žyćcio jamu vyratavali žonka i Apple Watch, jaki pravilna pakazaŭ nizkuju častatu sercabićcia. Ciapier jon zaŭsiody nosić na sabie hadžet i zdymaje jaho tolki na čas zaradki.