Урад зноў аслабіў контрсанкцыйны спіс
Савет міністраў унёс змены ў сваё рашэнне наконт абмежавальных мер у дачыненні да імпарту тавараў з «недружалюбных» краін.
01.09.2022 / 08:13
Новай пастановай пашыраны спіс выключэнняў. Так, цяпер дазволена ўвозіць сцябловы і каранёвы сельдэрэй, пекінскую капусту, клементыны і ківі, а са спісу «недружалюбных» краін выключылі Сербію.
Гэта не першы раз, калі ўрад звужае спіс забароненай да ўвозу прадукцыі. Спачатку з яго выключылі соль, пасля насенне і бабы, а пасля вялікі шэраг гародніны, фруктаў і ягад.