Školnaja zadačka z tym, kab pierapravić usich cieraz raku. Ale ci ŭdasca vam jaje rašyć?
Daviadziecca padumać, inačaj adnaho z hierojaŭ źjaduć ci jon źbiažyć, piša «Papularnaja miechanika».
01.09.2022 / 10:48
Fota: wikimedia.org
Fiermier vyraściŭ lisu, kab abaranić statak kurej. Adnojčy fiermier adpraŭlajecca ŭ padarožža, uziaŭšy z saboj ulubionuju lisu, dźvie kurycy i vielizarny miašok kurynaha kormu. Kali jany dabralisia da raki, fiermier znajšoŭ tolki maleńkuju łodku, u jakuju nie źmiaścić bolš za traich — uličvajučy samoha fiermiera, jaki musić kiravać łodkaj.
Fiermier pačynaje dumać:
- Ja mahu pierapravić cieraz ručaj tolki dvuch žyvioł adnačasova;
- Miašok z kormam vielizarny i zajmaje dva miescy ŭ łodcy;
- Bajaźlivaja lisa ŭciače ŭ les, kali jaje pakinuć sam-nasam ź dźviuma kurami;
- Lisa hałodnaja i źjeść kurycu, kali pakinuć ich sam-nasam z adnoj kurycaj;
- Kury taksama hałodnyja, i lubaja ź ich źjeść korm, kali pakinuć korm razam z kurami.
Fiermier hladzić na łodku i ciažka ŭzdychaje. Jak jon moža biaśpiečna pierapravić ŭsiu kamandu i korm cieraz raku?
Padkazka: budźcie aściarožnyja ź miaškom kormu! Kali fiermier pierapraŭlaje jaho cieraz raku, usie žyvioły zastajucca biez achovy.
Tut adkaz — ci vy hatovyja?
U fiermiera jość dźvie prablemy, jakich treba paźbiehnuć padčas hetaha maleńkaha padarožža. Pieršaja: lisu nikoli nielha pakidać sam-nasam z kurycami. Druhaja: nivodnaja kuryca nie musić zastacca sam-nasam z kormam.
Kab prailustravać chod dumak, praściej za ŭsio skłaści tablicu. Najpierš treba pieramiaścić kuraniataŭ.