Smarhonskaha doktara pa palityčnaj spravie asudzili na 8 hadoŭ kałonii
Lekara 1-j kvalifikacyjnaj katehoryi, śpiecyjalista UHD Jaŭhiena Bužynskaha sa Smarhoni asudzili na 8 hadoŭ kałonii za «raspalvańnie sacyjalnaj varožaści» ŭ internecie (art. 130 KK) i za chabar, paviedamlajuć pravaabaroncy z «Viasny».
31.08.2022 / 16:34
Pry hetym viadomy sam fakt, a nijakich padrabiaznaściaŭ pa spravie pakul niama.
Jaŭhiena Bužynskaha zatrymali 10 červienia, tady pravaabaroncy taksama nie zmahli daviedacca ničoha bolš — tolki pra sam fakt zatrymańnia.
Artykuł «raspalvańnie sacyjalnaj varožaści» typovy dla palityčnych spraŭ, jon u apošnija hady staŭ anałaham artykuła «antysavieckaja prapahanda» ŭ savieckija časy. Što da abvinavačvańnia ŭ chabarnictvie, to jość prykłady «spravy Babaryki», «spravy «Tut.baja» i «spravy «Našaj Nivy», jakija, na dumku pravaabaroncaŭ, majuć palityčny charaktar, ale zamaskavanyja pad ekanamičnyja.