Zatrymali Paŭła Mažejku. U adzin dzień z advakatkaj mastaka Puškina
dapoŭniena
Žurnalist i kiraŭnik hrodzienskaha «Centra haradskoha žyćcia» z 30 žniŭnia znachodzicca ŭ izalatary časovaha ŭtrymańnia na vuł. Haja. Jon zatrymany na 72 hadziny.
31.08.2022 / 12:24
Pryčynu zatrymańnia blizkija pakul nie raskryvajuć.
30 žniŭnia ŭ jaho doma byŭ pieratrus — jon doŭžyŭsia bolš za šeść hadzin. Paśla hetaha Mažejka nie vyjšaŭ na suviaź.
U sakaviku 2021 hoda Paŭła Mažejku zatrymlivali razam z mastakom Alesiem Puškinym u ramkach spravy «ab reabilitacyi nacyzmu» za demanstracyju partreta ŭdzielnika antysavieckaha padpołla Aŭhiena Žychara. Ale tady Mažejku vyzvalili paśla 72 hadzin aryštu.
Pavieł — viadomy hrodzienski žurnalist, adna z hałoŭnych asobaŭ hramadska-kulturnaha žyćcia Hrodna. Jaho žurnaliscki staž naličvaje bolš za 20 hadoŭ. U 2002 hodzie atrymaŭ dva hady chimii za «paklop» na Alaksandra Łukašenku ŭ artykule ŭ haziecie «Pahonia» pra źniknieńni Zacharanki, Hančara dy inšych apanientaŭ kiraŭnika Biełarusi.
U rodnym horadzie stvaryŭ Centr haradskoha žyćcia. Centr byŭ likvidavany ŭletku 2021 hoda.
Zatrymali jaho ŭ adzin dzień z byłoj advakatkaj mastaka Alesia Puškina Jułijaj Jurhilevič.