Łatvija źbirajecca skasavać damovu ab prymiežnym supracoŭnictvie z Biełarussiu
Łatvija płanuje skasavać damovu ab prymiežnym supracoŭnictvie z Biełarussiu. Adpaviednaje pytańnie ŭklučanaje ŭ paradak dnia pasiadžeńnia kabinieta ministraŭ 30 žniŭnia, piša vydańnie Leta.
28.08.2022 / 16:10
Pahadnieńnie padpisanaje i nabyło moc u 1998 hodzie. U dakumiencie vyznačanyja administracyjna-terytaryjalnyja adzinki Łatvii, na jakija raspaŭsiudžvajecca dziejańnie pahadnieńnia. Jaho meta — sadziejničańnie transhraničnamu supracoŭnictvu pamiž miascovymi orhanami ŭłady dźviuch krain.
Pahadnieńnie było pieršapačatkova zaklučanaje na 10 hadoŭ, ale z mahčymaściu aŭtamatyčnaha praciahnieńnia na nastupnyja piać hadoŭ, kali nivodzin z bakoŭ nie abjavić pra svajo žadańnie spynić jaho.
Ministerstva achovy navakolnaha asiaroddzia i rehijanalnaha raźvićcia Łatvii, tłumačačy situacyju, adznačaje, što papiarednie była acenienaja mahčymaść časovaha prypynieńnia pahadnieńnia. Ale pakolki ciapierašni piacihadovy apieracyjny pieryjad pahadnieńnia zakančvajecca tolki ŭ nastupnym hodzie ŭ lipieni, časovaje prypynieńnie jaho dziejnaści moža pryvieści da jurydyčna niavyznačanaj situacyi.