Abchazija zachacieła ŭstupić u sajuznuju dziaržavu Biełarusi i Rasii
Abchazija hatovaja dałučycca da Sajuznaj dziaržavy Biełarusi i Rasii. Pra heta ŭ efiry prahramy «Sałaŭjoŭ LIVE» zajaviŭ prezident častkova pryznanaj dziaržavy Asłan Bžanija.
25.08.2022 / 14:05
Asłan Bžanija
«U vypadku takoj pierśpiektyvy, jak sajuznaja dziaržava, [u jakuju ŭvojduć] Rasija, Biełaruś i inšyja dziaržavy, jakija b chacieli da hetaj Sajuznaj dziaržavy dałučycca, my z zadavalnieńniem padtrymali b hetuju ideju i byli b paŭnapraŭnymi ŭdzielnikami Sajuznaj dziaržavy», — skazaŭ Bžanija ŭ efiry telekanała «Sałaŭjoŭ LIVE».
Bžanija dadaŭ, što absalutna ŭpeŭnieny ŭ tym, što ideja Sajuznaj dziaržavy blizkaja narodu Abchazii i «adpaviadaje nacyjanalnym intaresam».
Abchaziju pryznali tolki piać dziaržaŭ: Rasija, Vieniesueła, Nauru, Nikarahua, Siryja. Biełaruś Abchaziju nie pryznaje.