У Беларусі імпартазамясцілі аднаразовыя медыцынскія пальчаткі
На базе ААТ «Светлагорск Хімвалакно» запусцілі лінію па вытворчасці аднаразовых медыцынскіх пальчатак. Праект, як паведамляе прэс-служба Міністэрства аховы здароўя, рэалізуецца па даручэнні Саўміна і знаходзіцца на асабістым кантролі ў Лукашэнкі.
24.08.2022 / 18:30
Фота з тэлеграм-канала Мінздароўя
Пальчаткі будуць выпускаць на дзвюх вытворчых лініях, кожная з якіх складае 114 метраў у даўжыню і недзе 9,5 — у вышыню. Іх магутнасць — да 100 мільёнаў пар на год.
Праект арыентаваны на імпартазамяшчэнне і задавальненне патрэб унутранага рынку.
Пальчаткі, дадае Міністэрства аховы здароўя, маюць анатамічную форму і вырабляюцца стэрыльнымі, неапудранымі. На падушачках пальцаў прысутнічаюць тэкстураваныя ўчасткі, маецца таксама ўнутранае палімернае пакрыццё, якое палегчыць працэс надзявання.