У Расіі зноў спынілі адгрузку казахстанскай нафты
Другі раз за лета тэрмінал у Наварасійску, праз які на экспарт сыходзіць 80% казахстанскай нафты, абмежаваў адгрузку, паведамілі агенцтву Reuters крыніцы, знаёмыя з сітуацыяй.
22.08.2022 / 23:00
Афіцыйная прычына — у трэшчынах, нібыта выяўленых падчас інспекцый. Па той жа прычыне Расія спыняла пастаўкі казахстанскай нафты ў чэрвені.
Новыя праблемы на наварасійскам тэрмінале паўсталі праз два тыдні пасля таго, як Казахстан падпісаў пагадненне з Турцыяй аб абмене вайсковымі разведзвесткамі, а затым паслаў войска для ўдзелу ў сумесных вучэннях з ЗША.
Паведамляецца, што рамонт няспраўнасцяў зойме як мінімум месяц, а калі з ім не атрымаецца ўкласціся да кастрычніка, то з-за сезону штармоў ён можа зацягнуцца і на 2-3 месяцы.