KDB skončyŭ rasśledavać spravu «Rabočaha ruchu»
Fihurantami rasśledavańnia stali dziesiać čałaviek. Pavodle viersii KDB, asobnyja ŭdzielniki «Rabočaha ruchu» nibyta płanavali varyjanty błakiroŭki vytvorčaj dziejnaści «Hrodna Azot» i «BMZ» u metach parušeńnia raboty pradpryjemstvaŭ, paškodžańnia i źniščeńnia ich majomaści.
22.08.2022 / 21:45
Rabočyja z MTZ, MAZa i MZKC iduć na Marš za svabodu 23 žniŭnia 2020 hoda
Pavodle pres-słužby KDB: «Udzielniki nazvanaha farmavańnia, akramia ździajśnieńnia złačynstvaŭ ekstremisckaj nakiravanaści, ažyćciaŭlali supraćpraŭnuju dziejnaść pa zbory i nastupnaj pieradačy zamiežnaj dziaržavie, zamiežnaj arhanizacyi i ich pradstaŭnikam (u tym liku śpiecsłužbam ZŠA i Litvy) słužbovaj infarmacyi abmiežavanaha charaktaru ŭ dačynieńni da subjektaŭ haspadarańnia Respubliki Biełaruś».
Siarhiej Šelest, Uładzimir Žuraŭka i Andrej Pahieryła abvinavačvajucca pa art. 188 KK (Paklop), č.1 art. 356 KK (Zdrada dziaržavie), č.3 art.361-1 KK (Stvareńnie ekstremisckaha farmiravańnia i ŭdzieł u im).
Hanna Abłab, Alaksandr Hašnikaŭ, Siarhiej Dziuba, Ihar Minc, Valancin Ciarenievič i Siarhiej Šamiećka — pa č. 1 art. 356 KK (Zdrada dziaržavie), č.3 art.361-1 KK (Stvareńnie ekstremisckaha farmiravańnia i ŭdzieł u im).
Alaksandr Kapšul — pa č.2 art. 295 KK (Niezakonnyja dziejańni ŭ adnosinach da ahniastrelnaj zbroi), č.1 art. 356 KK (Zdrada dziaržavie), č.3 art.361-1 KK (Stvareńnie ekstremisckaha farmiravańnia i ŭdzieł u im).
Zatrymańni pa spravie «Rabočaha ruchu» prajšli vosieńniu 2021 hoda.