Uviedzieny novy apłatny instrumient, jaki budzie pracavać razam z bankaŭskimi kartami
Alaksandr Łukašenka padpisaŭ Ukaz № 293, zhodna ź jakim pałažeńni ŭkaza № 493 ad 16 kastryčnika 2014 hoda «Ab raźvićci bieznajaŭnych płaciažoŭ» buduć pryviedzienyja ŭ adpaviednaść z Zakonam «Ab apłatnych sistemach i apłatnych pasłuhach» ad 19 krasavika 2022 hoda. Pra heta paviedamiła pres-słužba palityka.
22.08.2022 / 20:07
Fota ilustracyjnaje
Ukazam praduhledžvajecca stvareńnie novaha płaciežnaha instrumienta — prahramnaha prykładańnia dla apłaty tavaraŭ i pasłuh, jakoje budzie funkcyjanavać razam z bankaŭskimi kartami.
Jano budzie zabiaśpiečvać dostup da rachunku kłijenta ŭ banku i mahčymaść praviadzieńnia płaciažoŭ za košt tych hrašovych srodkaŭ, jakija majucca na im.
Dakumient, akramia taho, zdymie abmiežavańni na vykarystańnie ARIP jak adzinaj apłatnaj sistemy ŭ pracesie praviadzieńnia bujnych płaciažoŭ fizičnymi asobami za tavary, pasłuhi abo raboty.
Taksama, jak havorycca, pa šmatlikich prośbach hramadzian ukaz padaŭžaje termin abmienu hrašovych banknot uzoru 2000 hoda na kupiury ŭzoru 2009-ha da kanca 2024 hoda.