Recept na vychadnyja. Sibas u koračcy z estrahonu — lohkaja i karysnaja viačera
Skarystajciesia hetym receptam — i atrymajecie na viačeru chrustkuju rybku z koračkaj z syru i estrahonu. Padavajcie jaje z maładoj bulbaj i zielaninaj. Sibas u recepcie možna zamianić na stronhu ci kambału — budzie nie mienš smačna.
03.09.2022 / 08:08
Fota: BBC Food
Kab zhatavać sibasa ŭ koračcy z estrahonu, vam spatrebicca:
- 4 file sibasa (sa skurkaj)
- 40 hramaŭ masła
- 60 hramaŭ zdrabnionych kukuruznych šmatkoŭ ci zdrabnionaha suchoha piačeńnia (krekieraŭ)
- drobna parublenaja cedra adnaho limona
- sok pałovy limona
- 1 stałovaja łyžka parublenaha śviežaha estrahonu (ci 1 čajnaja łyžka sušanaha estrahonu)
- 40 hramaŭ ciortaha parmiezanu
- 200 hramaŭ śmiatany
- drobka cukru
- sol
- mołaty čorny pierac
- Razahrejcie duchoŭku da 200 hradusaŭ. Vyścielicie blachu papieraj dla vypiakańnia.
- Dobra prypraŭcie file sibasa z abodvuch bakoŭ sołlu i piercam.
- Rastapicie masła ŭ płoskaj patelni. Zdymicie z ahniu, dadajcie zdrabnionyja šmatki, cedru i pałovu estrahonu. Pieramiašajcie i adstaŭcie ŭ bok.
- Raskładzicie na blachie pałovu sumiesi z estrahonam u vyhladzie čatyroch radoŭ. Pakładzicie na sumieś file skurkaj uniz i krychu pryciśnicie na siekundu. Pakryjcie kožnaje file reštkami sumiesi i pasypcie rybu parmiezanam. Vypiakajcie rybu 12—15 chvilin, pakul jana nie prapiačecca.
- Kab zrabić sous, pieramiašajcie śmiatanu, reštki estrahonu, cukar i limonny sok, prypraŭcie sumieś sołlu i piercam.
- Padavajcie rybu z sousam i dolkami limona.