Prajaśniłasia intryha, čamu Arastoviča niama ŭ śpisach daradcaŭ kiraŭnictva Ofisa prezidenta

Alaksieja Arastoviča niama siarod 46 štatnych i pazaštatnych daradcaŭ kiraŭnictva Ofisa prezidenta Ukrainy. Heta vyśvietliła vydańnie «Ukraїnśkij tiždień», nakiravaŭšy zapyt u Ofis Zialenskaha.

20.08.2022 / 19:26

Sam Arastovič u apošnija miesiacy publična kaža, što jon «daradca Ofisa prezidenta, pazaštatny». Da hetaha jaho nazyvali daradcam kiraŭnika Ofisa. 

Ale ŭ śpisach daradcaŭ, jakija atrymała vydańnie, proźvišča Arastoviča niama. 

Situacyju prakamientavaŭ daradca kiraŭnika ofisa prezidenta Ukrainy Michaił Padalak. Jon pacvierdziŭ, što Arastovič sapraŭdy nie zjaŭlajecca ni daradcam kiraŭnika ofisa prezidenta Ukrainy, ni daradcam luboha ź jaho namieśnikaŭ.

«Jon tak šmat havoryć, što my zrabili jaho… daradcam usiaho Ofisa razam. Mienavita tak jaho pasada i hučyć (pa składach: «daradca Ofisa prezidenta Ukrainy«). Jakim jon aficyjna i ličycca pa słužbovym raskładzie», — napisaŭ Padalak.

Nashaniva.com