Zachodniaja raźviedka: vybuchi na krymskim aeradromie «Saki» pakinuli Čarnamorski fłot biez pałovy avijacyi
Pra toje, što vybuchi na aeradromie «Saki» ŭ Krymie 9 žniŭnia nibyta pakinuli Rasiju biez pałovy avijacyi Čarnamorskaha fłotu, zajaviŭ žurnalistam vysokapastaŭleny pradstaŭnik zachodniaj raźviedki.
19.08.2022 / 16:32
Ataka na aeradrom, jakuju nieaficyjna prypisvaje sabie Ukraina, «vyvieła sa stroju bolš za pałovu bajavych samalotaŭ marskoj avijacyi Čarnamorskaha fłotu Rasii», skazała nienazvanaja krynica.
Pradstaŭnik raźviedki dadaŭ, što ŭ rasijskich uzbrojenych siłaŭ zakančvajucca bojeprypasy, i ŭ zachodnich raźviedak jość mnostva śviedčańniaŭ hetamu.
Na nastupny dzień paśla vybuchaŭ na aeradromie «Saki» Hienštab USU paviedamiŭ, što tam byli źniščanyja dzieviać samalotaŭ.