Administratar FK «Słuck» pakazaŭ suddzi papierku z tekstam «2000 rub.». Jaho dyskvalifikavali, ale spravu zavodzić nie stali
18.08.2022 / 15:39
Fiederacyja futboła apublikavała matyvacyjnuju častku rašeńnia ab dyskvalifikacyi na 1,5 hoda sa štrafam 3200 rubloŭ administratara «Słucka» Alaksandra Achramoviča.
Jak śćviardžajuć u ABFF, da pačatku hulni 7 tura suprać «Biełšyny» Achramovič padyšoŭ da suddzi matča Amina Kurhchieli i pakazaŭ jamu arkuš papiery z nadpisam «2000 rub.» i inšym tekstam, jaki arbitr nie pračytaŭ.
Achramovič pacvierdziŭ, što bačyŭsia z Kurhchieli pierad hulnioj, ale dadaŭ, što nijakich papier jamu nie pakazvaŭ i padkupić arbitra nie sprabavaŭ.
U ABEZ raspačynać kryminalnuju spravu admovilisia.
U vyniku ABFF davieryłasia viersii suddzi, adnak, u fiederacyi nie pryjšli da adnaznačnaj vysnovy, ci była z boku Achramoviča sproba podkupu arbitra, bo nieviadoma, što jašče było napisana na tym arkušy. Pry hetym siabry kamiteta pryjšli da vysnovy, što administratar «Słucka» zasłužyŭ pakarańnie i na padstavie najaŭnych źviestak.