Padman svajakoŭ palitviaźniaŭ: machlary źbirajuć hrošy dla źniavolenych, a potym źnikajuć
Pravaabaroncam stała viadoma pra niekalki vypadkaŭ padmanu rodnych palityčnych źniavolenych: da ich źviartajucca nieznajomyja ludzi, prapanujučy dapamohu ŭ zbory srodkaŭ na padtrymku palitviaźnia. Paśla zboru hrošaj hetyja ludzi źnikajuć, piša «Viasna».
16.08.2022 / 19:50
Pravaabaroncam viadoma pra aktyŭnaść padobnych machlaroŭ u Homielskaj vobłaści.
Kab zacierahčysia ad padobnych vypadkaŭ, «Viasna» raić rodnym źniavolenych źviartacca ŭ pravieranyja inicyjatyvy pa padtrymcy palitviaźniaŭ. Kali vam napisaŭ pradstaŭnik niejkaj arhanizacyi — pierakanajciesia, ci sapraŭdy jon naležyć da hetaj inicyjatyvy. Naprykład, vy možacie sami napisać nazvanaj inicyjatyvie i spytać, ci jość u ich taki čałaviek. Nie pahadžajciesia źbirać hrošy na čužuju kartku.
Kali čałaviek kaža, što dziejničaje pryvatna — pamiatajcie pra instrukcyi bankaŭ. Naprykład, dla pieraliku hrošaj na kartku nie patrebien CVC-kod.
Taksama vy možacie damovicca ab afłajn-padtrymcy — naprykład, kab vam dapamahli praduktami dla zboru pieradačy, uzhadniŭšy čas abo śpis nieabchodnaha.