Navukoŭcy płanujuć uvaskresić tasmanijskaha vaŭka, što vymier amal sto hadoŭ tamu
Supracoŭniki amierykanskaj bijatechnałahičnaj kampanii Colossal sumiesna z navukoŭcami Mielburnskaha ŭniviersiteta abviaścili pra pačatak prajekta pa ŭvaskrašeńni sumčataha vaŭka, jaki vymier u 1930-ja hady.
16.08.2022 / 17:55
Tasmanijskija vaŭki. Fota: «Vikipiedyja»
Donarami vystupiać tłustachvostyja sumčatyja myšy. Ich hienietyčny materyjał pieratvorać u kletki sumčatych vaŭkoŭ z dapamohaj technałohii redahavańnia hienaŭ. Paśla adradžeńnia sumčatych vaŭkoŭ ich płanujuć raśsialić na aŭstralijskim vostravie Tasmanija.
Charakterna, što heta daloka nie pieršy ambicyjny prajekt bijatechnałahičnaj kampanii Colossal. U minułym hodzie jany abiacali adradzić mamantaŭ i raśsialić ich u Arktycy.
Sumčaty voŭk, ci tyłacyn, byŭ adzinym sumčatym drapiežnikam Aŭstralii. Kaliści jon žyŭ na ŭsim kantyniencie, ale kala 3 tys. hadoŭ tamu areał raspaŭsiudžvańnia vidu skaraciŭsia da vostrava Tasmanija. Apošni pradstaŭnik vidu źnik u 1936 hodzie.