Recept na vychadnyja. Kieksy z durnicami — prosty recept ad znakamitaha šef-kuchara
Aŭtar hetaha recepta — Poł Halivud, viadomy brytanski šef-kuchar i televiadučy. Heta dobry bazavy recept kieksaŭ, tamu śmieła zamianiajcie durnicy ŭ im na inšyja jahady. I starajciesia davać ciestu «adpačyć» pierad duchoŭkaj — tak doŭha, jak tolki zmožacie vytrymać.
20.08.2022 / 09:43
Fota: BBC Food
Kab zhatavać kieksy z durnicami, vam spatrebicca:
- 110 hramaŭ muki
- 110 hramaŭ raźmiakčonaha masła
- 65 hramaŭ cukru
- 2 jajki
- 1,5 čajnyja łyžki razrychlalniku
- 125 hramaŭ durnic (možna brać zamarožanyja, a možna i ź inšymi jahadami — z čarnicami ci malinami)
- drobka muskatnaha arechu
- Uźbicie razam masła i cukar, potym pastupova dadavajcie ŭ sumieś jajki. Źmiešvajcie sumieś miksieram na praciahu troch chvilin. Dadajcie muku, razrychlalnik i muskatny arech, pieramiašajcie. Pastaŭcie sumieś u chaładzilnik minimum na hadzinu, a jašče lepiej na noč.
- Vaźmicie formu dla kieksaŭ, zmažcie jaje masłam i zapoŭnicie adtuliny ciestam krychu bolš čym na pałovu (hetaha ciesta chopić prykładna na 8 kieksaŭ). Raskładzicie durnicy pa formach ź ciestam.
- Vypiakajcie kieksy ŭ duchoŭcy, razahretaj da 200 hradusaŭ, na praciahu 20 chvilin, ci pakul kieksy nie nabuduć załaty koler. Padavajcie ich ciopłymi.