Va Ukrainie praciahnuć vajennaje stanovišča i mabilizacyju da 21 listapada
Viarchoŭnaja Rada praciahnuła dziejańnie vajennaha stanovišča va Ukrainie jašče na 90 dzion — da 21 listapada 2022 hoda. U krainie taksama nie spyniać praviadzieńnie ahulnaj mabilizacyi na toj ža pieryjad.
15.08.2022 / 15:51
Fota: AP
Adpaviednyja zakonaprajekty nakiravaŭ u Viarchoŭnuju Radu 12 žniŭnia prezident Uładzimir Zialenski. Jak havorycca ŭ zakonaprajektach, termin dziejańnia vajennaha stanovišča i mabilizacyi budzie padoŭžany na 90 sutak z 23 žniŭnia.
Apošnim razam vajennaje stanovišča va Ukrainie było padoŭžanaje na 90 dzion 22 maja, a ŭpieršyniu było ŭviedzienaje 24 lutaha — u dzień, kali Rasija pačała poŭnamaštabnaje ŭvarvańnie va Ukrainu.