U Arhiencinie adkryli novy vid dynazaŭraŭ — padobnyja da drakonaŭ, ale pamieram z kata
Im dali nazvu Jakapil kaniukura (u pierakładzie ź miortvaj movy naroda puelče — «ščytanosiec»). Reptyłija žyła kala sta miljonaŭ hadoŭ tamu, była pamieram z kata i pierasoŭvałasia na vyciahnutych zadnich łapach, piša TJ.
15.08.2022 / 11:36
Jakapiły byli nie daŭžejšyja za paŭtara mietra ŭ daŭžyniu, važyli ad čatyroch da siami kiłahramaŭ, a źniešnie nahadvali drakonaŭ — na hałavie i ŭzdoŭž chrybta ŭ dynazaŭraŭ raźmiaščaŭsia hrebień z šypoŭ, a dadatkovyja płaściny pa bakach, vakoł šyi i ŭzdoŭž chvasta abaraniali ad šmatlikich drapiežnikaŭ.
Sami jakapiły byli travajednymi, ale charčavalisia nie miakkaj listotaj, a cviordaj raślinnaściu pustyń. Vierahodna, im davodziłasia šmat pierasoŭvacca ŭ pošukach ježy i, kab paźbiehnuć niebiaśpieki.