Biełarusy zahinuli ŭ DTZ u Staŭrapolskim krai Rasii
Hramadzianie Biełarusi zahinuli ŭ avaryi ŭ Staŭrapolskim krai. Jana adbyłasia siońnia ranicaj na 297-m kiłamietry fiederalnaj trasy «Kaŭkaz» u Andropaŭskim rajonie Staŭrapolskaha kraja.
12.08.2022 / 09:53
Fota HIBDD Staŭrapolskaha rajona
Lada Vesta sutyknułasia z hruzavikom KamAZ. Lehkavik vyjechaŭ na sustrečnuju pałasu pa niavyśvietlenych pakul pryčynach. Aŭtaavaryja adbyłasia pablizu pavarotu na siało Kuršava, tamu raździalalnaja trosavaja aharodža tam nie była praduhledžanaja.
U avaryi zahinuli kiroŭca i jaho 12-hadovaja dačka. Jašče dźvie žančyny dastaŭlenyja ŭ balnicu. U aŭtamabili jechała siamja ź Biełarusi.